Sad Heartbreaking Poem - Pyar Jahan mei hota nahi to kya hota

Sad Heartbreaking Poem | Sad love story in hindi



Pyar jahaan mei hota nahi, to pata hai kya hota?

Sacchai mai tumhe batata hoon...


Shuru mei ankhein chaar nahi hoti...

Fir, haatho mei haath daale nahi jaate,


Fir, wo pyar bhari batein nahi hoti, pyar bhari baton mei wo zindagi bhar ka dukh liya nahi hota...


Fir, Raaton raat yun bewajah ankhon ko dukhaya nahi jaata, neend ko bhula ke ankon ko yun message ke liye tarsaya nahi jaata...


Fir, Apna chain sukh chodh ke raton ko yun derr raat soya or subah pehle ek msg ke liye yun 4 baje jaaga nahi jaata...


Fir, wo baton baton mei zindagi ke raaz khole na jaate, khole raaz to unpe baad me pachtaya nahi jaata...


Fir, wo sath nibhane ki kasmein khayi nahi jaati, kasmein khayi gayin to unhe nibhane ke liye jhoote wadein bhi kiye nahi jaate...


Fir, wo waqt nahi aata, jab tumhe ignore kiya jaata, ignore hue to yun akele akele roya nahi jaata...


Fir, behti ankon ke ansoon ponchne ke liye uski bahon ka intejar kia nahi jaata, intejar karte karte is dard ko or badhaya nahi jaata...


Fir, pyar itni hadd tak kiya he nahi jaata, khud apni hadd paar kar ke uske aage bar bar gid-gidaya nahi jaata...


Fir, usko paane ki chahat mei apna sab kuch kurvaan kiya nahi jaata, chahat chahat mei apne sapno ka gala ghota nahi jaata...


Fir, dheere dheere apne aap se yun sharminda hua nahi jaata, sharminda hoke fir dipression mei jaya nahi jaata...


Fir, uski yaadon kaa pitara apne sir pe lekar har jagah jaya nahi jaata, yaadon ko yad kar ke bar baar ankhon ko rulaya nahi jaata...


Fir, bhagwan ke darwaje pe sir patka nahi jaata, bhagwan se fir apne pyar ke liye lada nahi jata...


Fir, sabkuch har jane ke baad waqt ko bhi yun bekar gawaya nahi jaata, beete waqt par fir yun pachtaya nahi jata...


Fir, pachtane ke baad maa-baap ko yad kiya nahi jaata, maa-baap ke sath wala wo saccha pyar samajha nahi jata...


To batao pyar jahan mei hota nahi to kya hota?

😊🤍🤍🤍🤍🤍🤍🤍🤍🤍🤍🤍🤍🤍🤍😊

By Anurag Sharma

Post a Comment

0 Comments